|
|
ബിസ്സിനസ് |
| ഗ്രാന്റ് കേരള ഷോപ്പിംഗ് ഫെസ്റ്റിവല്; ഓണം സ്വര്ണ വിരുന്ന് മെഗാസമ്മാനം സാബിറക്ക് |
|
തിരുവനന്തപുരം: ഗ്രാന്റ് കേരള ഷോപ്പിംഗ് ഫെസ്റ്റിവലും മലബാര് ഗോള്ഡും ചേര്ന്ന് ഓണം വാരാഘോഷത്തിന്റെ ഭാഗമായി സംഘടിപ്പിച്ച സ്വര്ണവിരുന്നില് ഒരു ലക്ഷം രൂപയുടെ സ്വര്ണസമ്മാനം എറണാകുളം ജില്ലയിലെ ചുളളിക്കലില് സാബിറാ ഷിഫാസിനു ലഭിച്ചു.
ഗ്രാന്ഡ് കേരള ഷോപ്പിംഗ് ഫെസ്റ്റിവല് ആസ്ഥാനത്ത് ജി.കെ.എസ്.എഫ് ഡയറക്ടര് കെ.എന്. സതീഷിന്റെ നേതൃത്വത്തിലാണ് നറുക്കെടുപ്പ് നടത്തുന്നത്.
മലബാര് ഗോള്ഡിന്റെ പ്രതിനിധികളും ചടങ്ങില് പങ്കെടുത്തു. ഓണം വാരാഘോഷത്തിന്റെ ഭാഗമായി സംഘടിപ്പിച്ച ഘോഷയാത്രയില് ജി.കെ.എസ്.എഫ് ഫ്ളോട്ട് ഒരുക്കിയിരുന്നു.
അതില്നിന്ന് വിതരണം ചെയ്ത ലഘുലേഖയിലെ ഭാഗ്യ നമ്പര് എസ്.എം.എസ് ചെയ്തവരും ടി.വി ചാനലുകളിലെ നിര്ദേശപ്രകാരം എസ്.എം.എസ് അയച്ചവരുമാണ് സ്വര്ണവിരുന്നില് പങ്കാളികളായത്.
എഴുപത്തയ്യായിരത്തില്പ്പരം എസ്.എം.എസുകള് ഒരു ദിവസം ജി.കെ.എസ്.എഫ് മലബാര് ഗോള്ഡ് സ്വര്ണ വിരുന്നിലേക്ക് ഭാഗ്യം പരീക്ഷിക്കാനായി വരികയുണ്ടായി.
ഈ മൊബൈല് നമ്പരുകള് ഡിജിറ്റല് രീതിയില് നറുക്കെടുത്താണ് ജേതാവിനെ കണ്ടെത്തിയത്.
രണ്ട് ലക്ഷം സമ്മാന കൂപ്പണുകള് ഘോഷയാത്ര കാണാനെത്തിയവര്ക്കായി വിതരണം ചെയ്തിരുന്നു. ഫ്ളോട്ടില്നിന്നും വിതരണം ചെയ്ത സമ്മാന കൂപ്പണുപയോഗിച്ച് എസ്.എം.എസ് അയച്ചവര്ക്ക് മലബാര് ഗോള്ഡ് ഏര്പ്പെടുത്തിയ പത്ത് സമാശ്വാസ സമ്മാനങ്ങളുമുണ്ട്.
വിജയികളെ ജി.കെ.എസ്.എഫ് ആസ്ഥാനത്തുനിന്ന് ടെലിഫോണില് ബന്ധപ്പെട്ട് ഗ്രാന്റ് കേരള ഷോപ്പിംഗ ് ഫെസ്റ്റിവല് ഡയറക്ടര് കെ.എന്.സതീഷും മലബാര് ഗോള്ഡ് മാര്ക്കറ്റിംഗ് മാനേജര് പ്രദീപും അഭിനന്ദനമറിയിച്ചു.
|
|
01,09,2010
| |
|
|
|
